Ang programang ito ay binuo upang maging lakas at sandigan ng ating mga katutubong kapatid na may mga marupok o nasirang tahanan dahil sa luma na ito o dahil sa nagdaang mga kalamidad. Sa diwa ng bayanihan, hindi natin hahayaang mamuhay sa takot at panganib ang mga katutubong pamilya tuwing darating ang tag-ulan at bagyo. Magkakapit-bisig ang komunidad upang kumpunihin ang kanilang mga tirahan, tinitiyak na ang bawat pamilya ay may ligtas, matatag, at disenteng masisilungan.

Mission - Magkaisa upang magkaloob ng ligtas at maayos na tirahan para sa bawat katutubong pamilya sa pamamagitan ng pagpapatatag at pagkukumpuni ng kanilang mga nasirang tahanan.